وقال كريم الحسيني عبر حسابه الشخصى على إنستجرام:  "هتوحشني يا سولوم يا طيب القلب يا مجدع.. اذكروا محاسن موتاكم.. إنت لسه كنت بتكلمني علشان عايز تشارك وتبعتلي فلوس لحاجة خير.. وقولت لي إنك هتجمع فلوس من زمايلنا وتقابلني بيهم.. وده مش جديد عليك.. ربنا يجعله في ميزان حسناتك ويجعل كل خير عملته شفيع ليك.. من ساعة ما قابلتك واشتغلنا مع بعض 2009 وأنا أشهد لك بالأدب والاحترام والالتزام في الصلاة.. واتعلمت منك كتير.. وعرفت يعني إيه أراعي ربنا في شغلي.. وأخلي بالي من الحلال والحرام".

وأضاف كريم الحسيني : "روح يا شيخ ربنا ينور قبرك ويثبتك عند السؤال ويصبر أهلك يا حبيب الملايين.. جنازتك النهارده كانت زفة.. وده حب من ربنا سبحانه وتعالى.. من حبه ربه حبب فيه عبده.. ربنا يرحمك يا حبيبي ويغفر لك ويجعل مثواك الجنة.. مع السلامة يا طيب القلب".

يمكنك مشاركة الخبر علي صفحات التواصل