كشفت المذيعة ريهام سعيد عن تعرضها للسحر على يد سيدة لن تذكر اسمها، وذلك من خلال منشور عبر حسابها الشخصي على موقع التواصل الاجتماعي فيسبوك.

ريهام سعيد: اتعرضت للسحر بوقف الحال

وكتبت ريهام سعيد في منشورها الذي يرصده موقع تحيا مصر: في واحدة شريرة وشعرها أبيض بتسحر لي سحر رهيب ده غير السحر اللي معمول لي من ٨ سنين ودمرني وعشان يتوقف حالي سرقت السبحة بتاعتي من شنطتي من ورايا.. بقول لك ايه اتراجعي عن الكفر ده عشان البلد فيها قانون وأنا بحذرك لآخر مرة.

ريهام سعيد تعلق على إطلالة محمد رمضان في حفل أمريكا

وكانت قد خرجت الإعلامية ريهام سعيد لتعلق على جدل إطلالة الفنان محمد رمضان في حفله الأخيرة بمهرجان كوتشيلا في بالولايات المتحدة الأمريكية، موجهة رسالة للفنانين الذين يتصدرون التريند بسبب ازياءهم التي تشبه النساء.

وقالت ريهام سعيد خلال برنامجها صبايا الخير في تصريحات رصدها موقع تحيا مصر: أنا مكسوفة إني عرضت الصورة، محمد رمضان مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة، وده مش حقيقي في مصر، لأن الناس بتقيم الفنانين بطريقة مختلفة، ليه المنظر ده؟ الجمهور اللي موجود في الحفلة كان أغلبهم مصريين ورافعين علم مصر، وأكيد المصريين اللي عاشوا في أمريكا مش هيلبسوا كده.

وتابعت ريهام سعيد حديثها: عايزة أوجه رسالة من القلب للفنانين اللي ابتدوا يعملوا حاجات فيها تشبه بالنساء، حتى لو شايفين إن دي حاجة الغرب بيعملها ياريت ماننشروش في مجتمعنا قدام شبابنا وأولادنا إحنا مش ناقصين، بلاش الحلق والشعر يتصبغ أصفر، ولو عايز تلبس حلقه إلبسه في حياتك الشخصية.

ريهام سعيد تفتح النار على نادر صعب

وسبق وأن خرجت الإعلامية ريهام سعيد منذ قليل لتستغيث بالجمهور ورواد مواقع التواصل الاجتماعي المختلفة بسبب طبيب التجميل نادر صعب، مشيرة إلى أنه يستخدم سلطته ونفوذه لعدم استكمال إجراءات سفرها لحضور الجلسة في القضايا التي رفعتها ضده.

وكتبت ريهام سعيد في منشور رصده موقع تحيا مصر عبر حسابها الرسمي بموقع التواصل الاجتماعي فيسبوك: من فضلكوا حد يتصل بالسفارة المصريه نادر صعب استخدم نفوذه و موقفني في المطار و أنا جايه احضر الجلسه . أنا مبخافش يا نادر و يا رب تيجي تحضر المحاكمات  في مصر زي ما باجي أنا لبنان مهما تعمل انت دكتور شوهتني و اخطاءت طبيا . محتاج فلوس ؟