حرصت الفنان أحمد عبد الحميد على طلب الدعاء لابنته ليلى لأنها تمر بوعكة صحية صعبة خلال الفترة الأخيرة، وذلك من خلال منشور عبر حسابه الشخصي على موقع التواصل الاجتماعي فيسبوك.

أحمد عبد الحميد يطلب الدعاء لابنته

وكتب أحمد عبد الحميد في منشوره الذي يرصده موقع تحيا مصر: ليلى انهاردة تمت شهرين، شهرين من غير ما احضنها حضن واحد .. من غير ذكريات كثير كنت فاكر اني هبنيها معاها مشفتش منها غير وجع قلب بس.. مبقتش برد على حد يقولى بنتك عاملة ايه من كثر الاحباط ومن كتر ما بقول انها مش كويسة و مفيش جديد.

أحمد عبد الحميد عن حالة ابنته: أهم دكاترة في مصر مش عارفين يشخصوا حالتها

وتابع أحمد عبد الحميد: شهرين واهم دكاترة في مصر مش عارفين يشخصوا حالتها عالاقل وده مش تقصير منهم لكن إرادة ربنا ان حالتها تكون جديدة وحيرة كدة طرقت كل الابواب مع ربنا والله وعلى قد مقدر مقصرتش و هفضل اسعی مع ربنا لعله يجبر بخاطري أنا و امها والنبى يا جماعة افضلوا ادعولها كل ما تقدروا و بطلوا تسألوني عليها افضلوا ادعولها و هي اول ما هتكون كويسة او فى امل انها تبقى كويسة أنا مش هتردد ثانية اني افرح بده و اقول للدنيا كلها ان بنتی خفت و جت في حضني وان شاء الله ربنا يتقبل دعواتكم و دعواتنا.

أحمد عبد الحميد يطلب الدعاء لابنته 

وسبق وأن حرص الفنان أحمد عبد الحميد على طلب الدعاء لابنته التي تلتزم فراش المستشفى في الفترة الحالية بسبب تعرضها لأزمة مرضية حادة، مشيرا إلى أنها تحتاج إلى الدعاء حاليا خاصة وأن الأطباء كشفوا أن حالتها ميؤوس منها.

وكتب أحمد عبد الحميد في منشور رصده موقع تحيا مصر عبر حسابه الرسمي بموقع تبادل الصور والفيديوهات انستجرام: أنا بنزل شغلى عشان ده شغلى ولازم اديله حقه، لكن ده مش معناه انى مش في كرب أو بقينا كويسين ليلى بنتى لسه تعبانة وتعبانة قوى والدكاترة شايفين أن الحالة ميؤوس منها.